Агароднікі (Бярозаўскі раён)

Вёска Агароднікі Краіна Беларусь Вобласць Брэсцкая Раён Бярозаўскі Сельсавет Сакалоўскі Каардынаты 52°32′24″ пн. ш. 25°06′22″ у. д. Насельніцтва ▼244 чал. (2019) Часавы пояс UTC+3 Тэлефонны код +375 1643 Паштовыя індэксы 225212 Аўтамабільны код 1 СААТА 1208863011 Агароднікі на карце Беларусі ±

Агаро́днікі (трансліт.: Aharodniki, руск.: Огородники) — вёска ў Бярозаўскім раёне Брэсцкай вобласці. Уваходзіць у склад Сакалоўскага сельсавета. Размешчана за 13 км ад Бярозы, 19 км ад чыгуначнай станцыі Бяроза-Картузская.

Гісторыя

Паводле перапісу 1897 годзе дзейнічалі царкоўна-прыходская школа і кузня. Сяляне ўваходзілі ў Сакалоўскае сельскае таварыства.

З 1905 года вёска ў Пескаўскай воласці Слонімскага павета Гродзенскай губерні. З 1915 года акупіравана нямецкімі войскамі, з 1919 года да ліпеня 1920 года і з жніўня 1920 года — войскамі Польшчы.

З 1921 года ў складзе Палескага ваяводства Польшчы. На 1924 годзе ў Пескаўскай гміне Косаўскага павета Палескага ваяводства, 86 будынкаў. У 1920-я гг. былі створаны ячэйка КПЗБ, камсамольская арганізацыя, гурток Беларускай сялянска-работніцкай грамады. 17 верасня 1939 года была створана баявая група вяскоўцаў, якая раззбройвала паліцэйскіх і асаднікаў.

З 1939 года ў БССР. З 1940 года вёска ў Сакалоўскім сельсавеце Бярозаўскага раёна Брэсцкай вобласці.

У 1941—1944 гг. акупіравана нямецка-фашысцкімі захопнікамі. Партызанскі атрад Ю. А. Бярэнчыка ў кастрычніка 1942 года разграміў у вёсцы апорны пункт праціўніка. У гонар партызанскага атрада, які пазней увайшоў у склад партызанскай брыгады імя Свярдлова, на будынку школы устаноўлена мемарыяльная дошка. За гады вайны загінулі 23 жыхары, не вярнуліся з фронту 25 воінаў-землякоў.

У 1950 годзе створаны калгас «33-я гадавіна Кастрычніка», першым старшынёй клгаса стаў С. А. Труцько (1896—1966), мясцовы ўраджэнец, які ў 1920-я гг. кіраўнік ячэйкі КПЗБ, у яго гонар названа вуліца ў в. Сакалова. У далейшым калгас быў узбуйнены, вёска стала яго цэнтр, сядзібай.

У 1967 годзе на ўшанаванне памяці 91 земляка, якія загінулі ў Вялікую Айчынную вайну, пастаўлены абеліск.

У 1970 годзе дзейнічала сярэдняя школа.

Планіроўка

Планіровачна складаецца з двухбакова забудаванай просталінейнай вуліцы, арыентаванай з паўночнага захаду на паўднёвы ўсход, да яе ў паўночнай частцы прымыкае яшчэ адна вуліца, арыентаваная з паўднёвага захаду на паўночны ўсход, да якой далучаюцца некалькі ўчасткаў забудовы, злучаных завулкамі і аўтадарогай.

Насельніцтва

• XIX стагоддзе:
  • 1897 — 58 двароў, 366 жыхароў.
• XX стагоддзе:
  • 1905 — 392 жыхары.
  • 1924 — 445 жыхароў.
  • 1939 — 138 двароў, 593 жыхары.
  • 1959 — 189 двароў, 716 жыхароў.
  • 1970 — 754 жыхары.
• XXI стагоддзе:
  • 2005 — 173 двары, 352 жыхары.

Літаратура

• Гарады і вёскі Беларусі: Энцыклапедыя. Т. 3, кн. 1. Брэсцкая вобласць / рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2006. — 528 с.: іл. — 4 000 экз. — ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх